旦（唱）：壹不許勸君勿要遊碼頭，遊碼頭要望三六九，三九有天氣還勿礙，獨怕五光六月頭，東北角上烏雲起，西北角上起陣頭，兩爿烏雲來相會，大雨不落小雨丟，儂上沒有輕盈密遮傘，下沒有丁鞋墊腳走，全無雙雙後鋪底，大雨落在郎心口，娘舅開仔出藥鋪，難覓九龍百草頭，我問儂郎君阿相信，不相信當初要有古人留。從前出個隋煬王，隋煬王陸地下揚州，他壹心要拿瓊花，萬裏江山壹筆鉤，他想也會遊碼頭，儂勒拉外頭遊碼頭小妹拉窩裏心擔憂，儂勒拉外頭吃肉酒不及小妹竈前頭面，儂壹裏改作十裏走，十裏改作百裏遊，天下萬萬少兜兜，勸郎罷勸郎休，勸君勿要遊碼頭。
生（唱）：吾位大小姐，承儂不錯相勸我，勸我不必外頭圈子兜，將來底嘸沒好收留，我是做在前，儂是勸在後，倘然是儂不相信，略表幾聲遊碼頭。
遊碼頭，遊碼頭，我遊碼頭是遊天走還要遊地走，遊天走等到八月半夜底頭，看看月華賞中秋，要看天上五顏六色雲相鬥。八月半夜頭好比遊天走，入地遊地獄不曾開門口，請教儂哪能遊，等到七月三十夜裏頭，家家人家門口插點棒香蠟燭頭，算過入地遊。遊東走東洲不出扶桑國，東天場化出日頭；遊西洲西太湖看過落日頭；遊南洲遊到南海看過七七四十九只觀音殿，觀音娘娘拜北鬥；遊北洲遊到北京城裏城外圈子兜。遊歇過四大名洲出歇過有四只名猴，東勝神洲翡翠石猴；南瞻部洲壹只六耳彌猴；西牛賀洲通背猿猴；北極瀘州人面墨猴。額四大名洲要出四只拉猴，天為蓋洲，地為托洲，山為浮洲，水為流洲，火為金洲，人為行洲。萬國九州吾去遊，北京看過皇碼頭；南京看過關碼頭；山東吃過大饅頭；寧波要看花碼頭；紹興看過酒碼頭；江北要看豬碼頭；江西看過碗碼頭；揚州看過水碼頭；常熟看過泥碼頭；湖州要看絲碼頭；上海看過人碼頭；蘇州要看船碼頭；杭州看過佛碼頭；松江要看兵碼頭。啥額場化有去頭，松江壹府七縣遊，和尚青南金鳳樓。兩府監管十壹縣，崇禎嘉寶太倉州，太倉從前出歇黃閣老，合蟠桃嫩白藕。紅粉姣娘會的織綾綢。小小南翔賽過蘇州。八字橋相對九間樓，阿姐嫁個湖州客，壹年四季送到頭。到上海浦東奉賢場化兜壹兜，鹽運司衙門造勒海灘頭，川沙就是無名府，上官衙門相對無名府州，壹出川沙北關門口，小灣大灣到路口，到浦東是聞得高橋橋不高，到浦西是聞得寶山山勿有。黃浦江通東海，陸家嘴造起壹只望朝樓。壹進吳淞口楊樹浦壹直兜，裏虹口兜到外虹口，過仔白渡橋英租界南京路上兜壹兜，電車來往嗒啷啷無休息，馬達卡是忙來不斷頭。我走到五龍日升樓，先施永安兩面造，大東東豪旅館二層樓三層樓，新新公司最高七層樓。我新世界朝前走，靜安寺看過壹只反水井，張園從前行額放氣球。東法華西法華，到徐家匯福開森路朝東走，霞飛路壹直走。嵩山路巡捕樓隔壁造只火鐘樓，八仙橋夜飯要吃狀元樓。法租界大馬路上兜壹兜。大自鳴鐘過去有爿鴻運樓，寧波鬼子摸老吃老酒。黃浦灘是大小輪船水面上浮，橫啦走豎啦兜兜到十六鋪，陸家閘橋從前全是邱人頭，搶氈帽割腰兜，五十年前頭三只手。裏鹹瓜街朝南走，壹進大東門進城兜，蔓笠橋相對火神廟，縣前相對石牌樓，三牌樓相對四牌樓，魚行橋落北三條曲尺彎，施老爺造勒虹橋頭，城裏有只城隍廟，城隍大老爺坐在面殿上，頭殿八個皂隸分左右，星宿殿勒啦後頭三層樓，後花園去兜壹兜，九曲曲橋橋九曲，萬字欄桿分左右。湖心亭壹只當中造，相對春風得意樓，柴行廳書場對過四美軒，書場對過就是瓊玉樓，我壹出小世界朝北走，勒啦上海景致全曉得，離開上海換碼頭。第壹個碼頭要到瀏河去，瀏河有只娘娘廟，結頂上天螺絲頭，西洞庭桃梅芭蕉李果樹，東洞庭帶發尼姑真勿啦邱。小小太湖跨三州，無錫錫山山無錫，黃楊箅機出常州，丹陽涼帽名氣大，紅泥鴨蛋出高郵，高郵皂白六部休，穿過丹徒鎮，泗縣廣德州，返來到臺頭，臺頭山上出毛竹，買歇毛巾煙筒大婆頭，送親眷老分朋友，遊到烏鎮北柵口，要看遊天嘸日頭。額四大名州我去遊，景德佛山朱仙鎮，淮縣徐州到漢口，龜山相對黃鶴樓，揚州有只平山堂，嘉興有只煙雨樓，鎮江有只金山寺，有個法海禪師妖怪收，白娘娘永葬西湖雷峰塔，但等水幹出日頭。水牛鎮江到瓜州，瓜州到淮州，淮州到海州，海州到鳥州，鳥州到登記州，登州到青州，青州到湖州，湖州上杭州，杭州景致也勿邱，飛來峰相對靈隱天竺寺，金裝羅漢倒有五百尊，面對面來口對口，濟顛僧井裏希吼希吼拔木頭，到西湖景致兜壹兜。壹枝桃老夾枝柳，桃綠柳紅出虎丘，上有東坡來題詩句，下有魚鱗蝦蟹水面上浮，遊來遊去遊到水底長生二老人到此地鳥回頭，到嶽王墳邊頭兜壹兜，嶽家父子盡忠孝，秦檜奸賊夫妻兩家頭跪勒嶽老爺腳跟頭，燒香客人來走過，看見秦檜打打秦檜窟浪頭，看見上氏婆摸摸上氏婆個下巴頭，燒起香來只會好勿會邱。杭州到蘇州，特逮路哪能走？壹出杭州北關門口，平望八坼木瀆鎮，七裏山塘到虎丘，虎丘有只玲瓏塔，廿三盞頭鐘鼓樓，獅子回頭望虎且。獨腳山塘跨兩縣，還有皇宮在後頭。進閶門朝裏走，蘇州城裏有只玄妙觀，三寸半高來倒有九丈九，八洞神仙二郎走，日裏廂老朋友玄妙觀裏白相相圈子兜，夜裏要到四擺渡去白相，兩只蕩湖船上阿姐出風頭，壹身打扮真考究，頭發團啊梳啦只元寶頭，銀鏈條老紅肚兜，啊嗚只搭搖動壹只舟，伊啦水裏搖，我末啦岸上走，蕩湖船阿姐搭我搭彎彎手，我末只得穿條板搭我手，中蒼裏排桌酒，蕩湖船阿姐坐在腳饅頭，排起十六碗菜壹桌酒，啊呀嘿嘿，全家福祿發拳頭，發發拳頭也罷哉，唱小調唱萬俚月月和夜夜遊，還唱上海新碼頭，唱得我心裏蠻快活，拿我銅鈿摸壹摸丟壹丟，早也丟夜也丟，橫也丟豎也丟，丟丟丟，丟空壹雙手，難末弄來勿色頭，蕩湖船阿姐就看邱，殺千刀，輕骨頭，嘸銅鈿也要想來搭三頭，壹腳踢到湖灘頭，佝老佝像只落水狗，航船勿乘無錢客，飯店嘸錢銅鈿勿收留，我直到現在勿去遊碼頭。