歌手:白駒榮
專輯:客途秋恨
以此獻給我最愛的親人及所有能感受到粵曲之美的人
（南音）涼風有信，秋月無邊。
虧我思嬌情緒，好比度日如年。
小生系繆姓，乃是蓮仙字，
為憶多情嘅歌女呀，叫做麥氏秋娟。
見佢聲色以***性情人贊羨，
佢更兼才貌咯就的確兩相全。
今日天隔壹方難見面，
似以孤舟沈寂晚景涼天。
妳睇斜陽照住個對雙飛燕，
睇我獨倚蓬窗我就消悄然。
耳畔聽得秋聲桐葉落，又只見平橋衰柳鎖寒煙。
第壹觸景更添情懊惱，虧我懷人愁對果個月華圓。
正系舊約難渝潮有信，新愁深似呀海無邊。
睇我這種情緒悲秋同宋玉，況且客途嚟抱恨妳話叫我對乜誰言。
近日聽得話有羽書馳諜報，
仲話幹戈撩亂，擾亂嘅江村。
個啲昆山玉石也遭焚毀，好似避秦男女入桃源。
妳系幽蘭不肯受汙泥染，又怕賊星來犯月中仙。
妳話嬌花若被狂風損，果陣玉容無主妳話倩乜誰憐。
壹定輾轉馬前遭血濺，日落魂歸玉化煙。
妳話若然艷質系遭兇暴，我寧願同埋白骨去伴姐妝前。
或者死後得成連理樹，好過生時常在囄個奈何天。
但望慈航法力總要行方便，把楊枝甘露救出妳火坑蓮。
等妳劫難逢兇俱化吉，果滴災星魔障兩不相牽。
虧我心似轆轤千百轉
空綣戀，嬌呀但得妳平安願，
我就任得妳天邊靚明月啊，都照向別人圓。
（乙反南音）聞擊托，鼓三更
只見江楓漁火照住個愁人
幾度徘徊思往事，勸嬌唔好咁癡心
妳話風塵不少不少憐香嘅客，羅綺還多識玉人
試問煙花誰不貪豪富，仲乜妳偏把多情向住小生
況且我窮途作客囊如洗，擲錦前頭愧未能
記得填詞偶寫個段胭脂井，妳含情相伴對住盞銀燈。
妳細問我曲中何故事，我把陳後主個段風流講過妳聞。
講到兵困景陽家國破，歌殘玉樹後庭春
（拋舟腔）攜住二妃，攜住二妃藏井底
死生難舍難舍難舍佢嘅意中人
妳聞聽此言多嘆息，仲話風流天子更重系情真
但系唔該享盡個啲奢華福，
（轉正線）就咁把錦繡江山毀路塵。
妳系女流也曉興亡恨，不枉梅花為骨雪為心。
仲話我珠璣滿腹啫實在原無價，我知妳憐才情重更不嫌貧
我想到此情欲把嫦娥問，無奈啊見得楓林月色昏
遠望那個處樓臺人影近，
人影近,莫非相逢呢壹位是月下魂。
/song/20855894