郭少蕓
姓名：郭少蕓
藉貫：上海
生日：1970年8月25日
身高：1.68米
體重：52公斤
語言：國語 粵語 英語
入行機遇：參選1992年香港小姐
教育程度：中學
特別技能：唱歌
體育運動：網球、壁球
出道經過：
1992年香港小姐十五名，周年簽約成為TVB合約演員
1995年成為TVB金經理人合約演員
◆電影◆
《豬扒大聯盟》
《裏情》
《孤男寡女》
《魑魅魍魎》
《終生大事》
《溶屍奇案》
◆電視電影◆
《夜之女》
◆劇集及節目◆
《法證先鋒》 飾 莫淑媛
《火舞黃沙》 飾 萬曦的前妻芷君
《錦繡良緣》 飾 薛小小
《七姊妹》
《金裝四大才子》 飾 寧王王妃
《無業樓民》 飾 沈珍美
《創世紀》 飾 何佩琪
《忘情闊少爺》
《刑事偵輯檔案IV》
《楊貴妃》 飾 武惠妃
《狀王宋世傑》 飾 慈禧太後
《非常保鏢》
《千裏姻緣兜錯圈》
《先生貴姓》
《師奶強人》
《美味天王》
《聊齊》
《難兄難弟》 飾 仙姐
《樂壇插班生》
《大鬧廣昌隆》
《新上海灘》 飾 方艷蕓
《還我情真》
《真情》
《男人四十壹頭家》
《運財智叻星》
《廉政英雌》
《金牙大狀》
《邊緣故事》
《餐餐有宋家》
《前世冤家》
《情濃大地》
《恨鎖金瓶》
《廉政行動94》
《清宮氣數錄》
《壹夫三妻》
《重案行動》
《大懷舊》
◆部分角色點評◆
《忘情闊少爺》中呂頌賢叫她勾引自己的姐夫和弟弟，戲分不多，形象既妖且媚。
《狀王宋世傑》中飾演慈禧太後，但年紀太輕，顯得有點嫩。
《無業樓民》飾好高婺遠的沈珍美，劇中郭洗盡鉛華和廖啟智演壹對，是個壹心要兒女讀名校的媽媽，和其以前嬌媚的形象很是不同。
《錦繡良緣》中飾阮兆祥的老婆薛小小，感覺很像《皆大歡喜》中的玉露，嘴巴不饒人,唯壹不同的是玉露可壹點也不怕老公。
附：周刊采訪
壹時胡塗
提起郭小蕓，妳腦海的印象應該是“毒女人”、“情婦”、“好酷的專業人士”、“惡死少奶”，都是她常演的角色，好聽是她演得入木三分，難聽的是她從未擔過大旗，她告訴妳她都見過大場面，參加港姐時是個大熱門，雖然大熱倒竈，但那次的挫折並非她自己壹手做成。
十幾歲的郭少蕓，畢業於英文中學，講得壹口流利英語，憑這個條件在當年已足以獨步江湖，壹間外資公司認為她條件優厚，請她做秘書，月薪萬幾元，這樣的開始，當年已算勝人壹籌，參加港姐，只是壹時胡塗。
“嗰時好細個，好似壹舊飯咁，邊有諗過要做明星？記得有日行過天星碼頭，有個模特兒公司嘅人叫我去試鏡，咁咪走上去八八卦卦啰，點知隔無幾耐，嗰負責人又話：‘我哋想提名妳參選港姐！’當時第壹個反應系：‘哦！哦！哦！好啦！’，完全系踢壹踢、郁壹郁，邊有自己嘅主見哉。”
有模特兒公司做選美顧問，教她化妝、教她對答，郭少蕓自言從未驚過，“嗰時真系好口靚妹，簡直系壹舊雲，由面試、入圍、到進入總決賽，成個過程唔識驚，落選就更加無感覺。我只記得去過歐洲拍外景，成班女仔喺幾度下，著泳衣喺街頭跳舞，嘩！好凍！”其它選美記憶呢？有是是非非嗎？她說：“成班女仔玩得好開心！其它？真系無乜印象！”妳相信真的沒，還是她不願提起？
荒廢光陰
糊裏胡塗參加港姐，唔知點解變成大熱門，更加諗極唔明點解會落選，之後TVB找她去試鏡。
“所謂試鏡即系試戲，嗰時邊識做戲，總之系做得好差啦，但唔知點解佢又簽我，可能佢哋睇到我有潛質。講真由選美至試鏡，我都系見步行步，完全無諗過點行，但簽約嗰壹刻，我開始認真咁諗：‘咦！真喎！簽唔簽好呢？嘩！得六千蚊人工咋，人工起碼減壹半。郭少蕓，妳玩唔玩先？唉！死就死啦，我大把青春。”落筆壹簽，就飲了三年清啤，“淡而無味。”
“入行第壹年，真系壹年都開唔到十日工，嗰哋日子真系好頹廢，唔系瞓就系食，壹系就去行街，嗰種感覺真系好墮落，連阿媽見我喺屋企日日無所事事，都忍唔往開口話我：‘後生女好好地有白領唔做，學乜人走去做明星哉？荒廢光陰、荒廢青春！’鬼唔知咩，但我壹簽就三年約，仲要做多兩年廢人，況且我大把青春嘛，咁咪同自己講愈墮落愈快樂啰。”
邊做邊學
做了廢人兩年，以為多等壹年就結束噩夢，這個時候TVB有人找她回去拍劇，思前想後，花了兩年時間等，就是想等這壹日，反正不拍也是無聊過日子，終於疊埋心水開工。
第壹部電視劇，她飾演王偉的情婦，面對壹個表現自己的機會，她卻望著眼前大佢壹截的男人想“點呀？佢做得我老竇喎，點同佢談情哉，點樣向佢嗲哉，根本就做唔到個feel，換轉系郭富城咁咪做到啰。”處女作表現不佳，以為就此玩完，不過又pass，繼續有工開，由唔識做變到識得做。
在TVB十年，代表作有《大鬧廣昌隆》、《錦繡良緣》，前者飾演倀雞英，後者飾演少奶奶，飾演的都是惡死女人，也許角色太深入民心，從此每次提起郭少蕓，觀眾也會想到“好寸”、“好惡”，但每次她再演繹同類角色，又覺得她做得好，從此“惡女人”就等於郭少蕓。
凡人難做
四年前，郭少蕓約滿TVB，剛巧胞姊又找她幫手打理生意，又再思前想後，被人踢壹踢、郁壹郁，想學多壹點點，於是放下壹切，想重新開始，做個普通的OL，以為起碼唔使再飲清啤咁淡，但仲衰，嗰系杯威士忌，“苦到死”。
“呢四年真系好痛苦！根本無人當我系普通人，令我被隔絕，令我好孤單。例如我同班同事去食飯，點知個侍應搵我簽名後，我嗰同事就話：‘點解我又系食雞髀（雞腿）飯，妳又系食雞髀飯，仲妳嘅碟大D！’從同事的眼神、語氣，我感受到佢哋好怕我，怕我為佢哋惹來麻煩。”
有努力地改善關系嗎？“其實又好難怪佢哋，我系佢哋啲話，我都會諗：‘佢系明星喎，佢實食慣ge，我哋食茶餐廳咋，咁cheap點會啱佢，唔好叫佢食飯啦。’、‘同佢食飯咁張揚，壹陣俾狗仔隊影相點算？’唉！無人同我食飯，咁咪日日捱飯盒啰。妳話！壹個friend都無，點會唔寂寞、唔孤單？”孤單可以頂，但當客戶知道她以前是藝人，就會在言談間質疑她的工作能力，對於這樣的情況，她最難受，“佢哋會覺得我仲系藝人，藝人即系花瓶啦，花瓶即系唔識做啦！結果呢？又要再想辦法。”
隱瞞身份
其後，她開了壹間專門食羊的餐廳，由藝人轉做老板，理應有助生意，起碼有人識，可以做生招牌，但情況又是笑中有淚。
“記得有日落去做waitress，嗰客壹見到我就話：‘妳個樣好似郭少蕓，唔系！妳真系郭少蕓！’然後佢好驚咁周圍望，原來佢以為電視臺玩偷拍！自此我就意識到，我落樓面會太張揚，會搞到客人唔自在。”
03年，SARS襲港，市道蕭條，人人口罩不離面，卻令郭少蕓大解脫，“生意？當然差啦！但我壹戴上口罩，終於可以做番普通人，我唔再系藝人郭少蕓，我系普通人嘅郭少蕓。記得有壹次，有個男客幫襯，佢壹見到我就話：‘妳只眼好似郭少蕓，有沒人話妳似郭少蕓？咦！妳把聲都好似喎。其實唔識佢ge，妳唔信呀？’我根本唔識佢，佢點會識我哉，咁我咪無篤爆佢啰。”
事隔數日，那位男客人又來幫襯，然後取出壹張合照，“嘩！我壹睇，真系我同佢嘅合照，原來佢安排過我登臺，所以同我影過合照啰。不過我始終都沒除口罩，所以佢壹直唔知我系郭少蕓。我怕我表露身份，佢會以為我玩佢！”
忘記前塵
就這樣隱姓埋名過了四年苦日子，趁餐廳租約期滿，郭少蕓決定做回藝人，反正這是人家經常提起的身份。
“做唔到普通人，咁咪做番藝人，當時打個電話俾珍姐（TVB制作部副總監曾勵珍），咁就好快返TVB。不過返到將軍澳廣播城後，第壹個感覺系人生路不熟，邊度系化妝間？邊度系canteen？嘩！原來仲可以用八達通，壹切壹切都好新鮮。可以講，復出好開心，唯壹系錯做纖體代言人！”
年初，有雜誌刊登了郭少蕓的纖體露毛相，那次她很激氣，氣得實時解約，“我唔想再提，唔開心事，最好忘記，咁唔系最好咩！”可以忘記不快，但感到後悔嗎？“經歷每壹件事都學到嘢，好似退出嗰四年，雖然真系好痛苦，但豐富我嘅人生，例如以前做藝人，只會諗自己壹面，但做OL（廣告業）時，我要做幕後工作，先知做幕後好辛苦，所以依家我會體諒人哋多壹點！”
說到復出目標，郭少蕓眼神壹轉：“無乜！總之有路就走，人生總有高低，珍惜現在最緊要。”